أنا عمري ما كنت من الناس اللي بتحب تغيّر بسرعة. يعني لما تتعود على نظام معين في الشغل، صعب تسيبه. وده بالظبط اللي حصل معايا. كنت شغال بـ Microsoft من سنين—Word، Outlook، Teams… وبعدين شوية دخلت على Google Workspace—Docs، Sheets، Meet.

يومي كله كان معتمد علىMicrosoft Office و Google Workspace.  كنت عايش حرفيًا وسط Word وOutlook، Teams كان الماسنجر الرسمي، وSharePoint هو المكان اللي بيجمع كل الداتا والفايلات.

لحد ما حصل موقف بسيط جدًا، بس غيّر كل حاجة!

اكتشاف Lark… من غير ما أكون ناوي!

الموضوع بدأ بمكالمة عادية جدًا مع Client Solutions Manager من تيك توك. كنا بنتكلم عن حملات إعلانية شغالة على TikTok Ads Manager، وكل حاجة كانت ماشية طبيعي.

وفي آخر المكالمة، قالتلي بكل بساطة:

“متقلقش، جاتلي نوتيفيكيشن من Lark عن الحملة، هتابع من هناك.”

Lark؟ إيه ده؟ أول مرة أسمع الاسم.

طبعًا مرجعتش أسألها وقتها، لكن الكلمة فضلت بتزن في دماغي.

رجعت بالليل، فتحت Google وكتبت “What’s Lark؟”، ولقيت فيديو بعنوان “Lark – Complete Product Tour”. دخلت أشوفه من باب الفضول.

من أول 10 دقايق، عيني فتحت. بعد نص ساعة، كنت حملت التطبيق على الموبايل والكمبيوتر.

الانطباع الأول؟ خفيف، سلس، وممتع

عارف الإحساس لما تفتح أداة جديدة وتلاقيها مكلكعة ومزعجة؟ Lark كان عكس كده تمامًا.

شكله حلو، بسيط، كل حاجة مترتبة. فيه كل اللي محتاجه: مستندات، جداول بيانات، تقويم، شات، مكالمات فيديو، تخزين سحابي… وكل ده من غير زحمة.

المفاجأة؟ إن الحاجات دي كلها مش مجرد أجزاء منفصلة، لا… دي متوصّلة ببعضها بشكل عبقري.

جربته مع اتنين من زمايلي، وبعدها بيومين كنا كلنا بنتعامل عليه كأنه المنصة الأساسية بتاعتنا.

اللحظة اللي وقعت فيها في حب Lark

كنت بكلم زميل في أوروبا، وفجأة لقيت جنب اسمه توقيت بلده!

من غير ما أدوّر أو أسأل، عرفت هو الساعة عنده كام. تفصيلة صغيرة؟ آه. بس فرقت جدًا.

وبعدين دخلت على حاجة اسمها Lark Base. بصراحة، دي كانت قفزة بالنسبة لي.

نظام داتا مانيجمنت كامل ومتكامل، شبه Airtable بس مدموج جوه النظام. قدرنا نتابع فيه الحملات، نوزّع المهام، وندير المحتوى. كل ده من مكان واحد.

وطبعًا، الإيموجيز بتاعتهم جامدة جدًا! بتدي روح للماسنجر وبتخلي التواصل أدفأ من Slack أو Google Chat.

مميزات ماكنتش أعرف إني محتاجها، بس لقيتها في Lark

• اجتماعات فيديو مدمجة: من غير Zoom ولا Google Meet. تقدر تبدأ مكالمة من أي شات أو حدث في التقويم، والشير والريأكشنات شغالة عالتمام.
• بحث ذكي: تدور في الرسائل، الفايلات، الدوكيومنتس، والتقويم… من مكان واحد. وسريع جدًا.
• تقويم ذكي: مش بس بيحدد المواعيد، ده بيقترح أفضل وقت حسب التيم، وبيظهر لك مين متاح، وبيتزامن مع Google وOutlook كمان.
• البوتات: زي Lark Assistant وApproval Bot اللي بتعمل أوتوميشن للحاجات الإدارية. أنا شخصيًا بنيت ووركفلو طلبات الإجازة من غير كود واحد.
• Docs وSheets: تحرير مباشر، تعليقات، تاجات، ميديا، إيموجيز… أسهل من Google ومرن أكتر من Microsoft.

ليه فريقي فضل Lark ومابصش وراه

كنا بنجربه يوم أو اتنين… دلوقتي بقى الـ default بتاعنا كل يوم.

بدل ما نستعمل Slack + Google Docs + Zoom + Trello + Airtable، إحنا بس بنستعمل Lark.

مفيش تنطيط بين تبويبات ولا لوجين في كل أداة. كل حاجة في مكانها، متوصّلة ببعض، وبتشتغل سمووث من أول لحظة.

الميزة الكبيرة؟ إن Lark مش بيزعجك بإعلانات ولا تغييرات مفاجئة. هو بس بيسيبك تشتغل… بتركيز.

حاجات صغيرة، بس فرقت كتير

• التطبيق على الموبايل ممتاز: كل حاجة موجودة، مش نسخة مخففة زي Google Docs أو Teams.
• دعم لغات متعدد: ودي كانت مهمة جدًا للتيم بتاعنا المنتشر في أكتر من بلد.
• مساحة تخزين سخية: تقدر ترفع فايلات كبيرة، وتتفرج عليها من غير تحميل.

هل في عيب؟

لو هنتكلم بصراحة، في ناس بتحتاج وقت تتعود على النظام لأنه all-in-one. زميلي اللي كان متمسك بـ Slack أخد يومين تلاتة يتأقلم. لكن بعدها؟ دخل عالجو تمام.

رأيي النهائي

ماكنتش أتخيل في يوم إني أقول إن Microsoft وGoogle بقوا outdated… لكن الحقيقة كده.

مش علشان هما وحشين، بس لأنهم متفرقين. Microsoft بيحسسك إنك بتلعب juggling، Google خفيف بس متشتت. Lark؟ بيديك Workspace… مش Tools.

وكل ده بدأ بكلمة واحدة على مكالمة TikTok.

لو إنت زيي، مستقر على Microsoft أو Google، بس حاسس إنك محتاج حاجة أحسن… جرب Lark.

يمكن تكون النقلة اللي كنت مستنيها في طريقة شغلك.

واخيرا جمعتلك جدول مقارنة

الموقع الرسمي:

https://www.larksuite.com/